შაბათი, 20 დეკემბერი 2014
რეკლამა
Singular








სიახლეები
6-7 დუიმიანი მოწყობილობები, როგორც წესი, ფაბლეტებად ან ტელეფონის ფუნქციის მქონე პლანშეტებად განიხილიებიან, თუმცაღა კომპანია Blu ირწმუნება, რომ მისი ახალი პროდუქტი Blu Studio 7.0 მსოფლიოში პირველი 7 დუიმიანი სმარტფონია.
ტელეფონის ტექნიკური მახასიათებლებიდან აღსანიშნავია: ოპერაციული სისტემა Android 4.4 KitKat, ორბირთვიანი ჩიპი MediaTek ტაქტური სიხშირით 1.3 გგჰ, 1 გბ-იანი ოპერატიული მეხსიერება, 8 გბ-იანი შიდა მეხსიერება, 5 მეგაპიქსელიანი ძირითადი კამერა (ავტოფოკუსითა და შუქდიოდურ მაშუქით), 3000 mAh-იანი ბატარეა. ეკრანის რეზოლუცია 600x1024 პიქსელია.
Blu Studio 7.0-ის გაბარიტებია 187,5 x 103 x 9,4 მმ და იგი 294 გრამს იწონის.
სმარტფონის ყიდვა Amazon-ზე 149 დოლარად შეგიძლიათ. იგი ნაცრისფერ, თეთრ, ცისფერ და ოქროსფერ ფერებშია ხელმისაწვდომი.
წყარო:
სიახლეები
მძიმე სამუშაო დღის შემდეგ ბევრს უყვარს კოქტეილის მირთმევა, მაგრამ როგორ უნდა მოიქცეთ, თუკი კოქტეილის რეცეპტების შესწავლასა და ბარის მოწყობილობებთან „ურთიერთობაში“ დროის დაკარგვა არ გსურთ. ასეთ დროს რობოტი ბარმენი Somabar-ი დაგეხმარებათ.
Somabar-ი გამოსაყენებლად მარტივი მოწყობილობაა. იმისათვის, რომ კოქტეილი მოამზადოთ, სმარტფონზე ჯერ აპლიკაცია Somabar უნდა გადმოწეროთ, შემდეგ თქვენი საყვარელი კოქტეილისთვის აუცილებელი ინგრედიენტები შეიძინოთ და ისინი სპეციალურ მინის კონტეინერში მოათავსოთ (სხვათა შორის მისი გარეცხვა ჭურჭლის სარეცხ მანქანაშია შესაძლებელი), ბოლოს კი აპლიკაციაში მოცემული კოქტეილის მოსამზადებელი 300-ზე მეტი რეცეპტიდან ერთ-ერთი შეარჩიოთ და მოწყობილობაში ჭიქა მოათავსოთ. რამდენიმე წამში სასმელი მზად იქნება.
Somabar-ის შემქმნელებმა მოწყობილობა წარმატებით გამოსცადეს და მისი მასობრივი წარმოების დასაწყებად Kickstarter-ის მეშვეობით საჭირო თანხაც უკვე მოაგროვეს.
Somabar-ი 2015 წლის ივლისიდან გაიყიდება და მისი ყველაზე იაფი მოდელი 399 დოლარი ეღირება.
წყარო:
რეკლამა
სიახლეები
Acer-მა საინტერესო დიზაინისა და ტექნიკური მახასიათებლების მქონე 27 დუიმიანი მონიტორი S277HK წარადგინა. კომპანია ირწმუნება, რომ ეს არის მსოფლიოში პირველი მონიტორი 4K რეზოლუციითა (3840×2160) და HDMI 2.0 ინტერფეისის მხარდაჭერით.
ეკრანი აღჭურვილია DVI-თ, DisplayPort 1.2-ითა და Mini-DisplayPort-ით. მის ყველაზე დიდ პლიუსად IPS მატრიცა მიიჩნევა, რომელიც Acer ColorPlus ტექნოლოგიასთან ერთად მაღალი ხარისხის გამოსახულების ჩვენებას უზრუნველყოფს.
Acer-მა განსაკუთრებული ყურადღება დისფლეის დიზაინს დაუთმო. სადგამი ალუმინის შენადნობისგან არის დამზადებული. უკანა პანელი სრულიად თეთრია, წინა მხრიდან კი ალუმინის თხელი პანელია გამოყენებული და ვერცხლისფერი გლუვი ჩარჩო. მოწყობილობას აქვს ინტეგრირებული აკუსტიკური სისტემა DTS-ის მხარდაჭერით. მონიტორის დახრის კუთხე −5-დან −15 გრადუსამდე რეგულირდება. ეკრანს აქვს კომპაქტური ღილაკები (კვების, სიკაშკაშის, ეკრანული მენიუსა და გამოსვლის).
Acer-ის ახალი მონიტორი მომხმარებლის თვალების გადაღლილობისგან დასაცავად იყენებს Acer EyeProtect ტექნოლოგიას, ასევე Flicker-less ტექნოლოგიას ეკრანის ციმციმის აღმოსაფხვრელად, Low Dimming ტექნოლოგიას დისფლეის სიკაშკაშის 15%-მდე შესამცირებლად და ComfyView ტექნოლოგიას ეკრანზე სინათლის გარე წყაროების არეკვლისგან.
S277HK 2015 წლიდან გაიყიდება და სავარაუდოდ 500 დოლარზე მეტი ეღირება.
წყარო:
სიახლეები
Kickstarter-ზე დაფინანსების მოპოვების იმედით კიდევ ერთი ახალი მოწყობილობა გამოჩნდა. ეს სენსორულ პანელზე დაფუძნებული კლვიატურა 101touch-ია, რომელიც ბრიტანელებმა შექმნეს.
101touch-ი განკუთვნილია როგორც სამუშაოდ, ისე გასართობად. მას აქვს: სენსორული მატრიცა დიაგონალით 18.3 დუიმი, ARM პროცესორი, Android-ის ოპერაციული სისტემა, 16 გბ-იანი ინტეგრირებული მეხსიერება და საკუთარი ბატარეა. ასეთი ტექნიკური მახასიათებლებით იგი არაფრით ჩამოუვარდება პლანშეტს. მოწყობილობა კომპიუტერს USB ინტერფეისით ან Bluetooth მოდულით უკავშირდება.
ის, ვინც აღნიშნულ სენსორულ კლავიატურას ახლავე შეუკვეთავს, მასში მხოლოდ 99 გირვანქა სტერლინგს გადაიხდის, 101touch-ის საბაზრო ფასი კი 170 გირვანქა სტერლინგი იქნება.
წყარო:
რეკლამა
სიახლეები
კომპანია Google-მა 2014 წელს მის საძიებო სისტემაში ყველაზე ხშირად აკრეფილი სიტყვების ტრადიციული რეიტინგი გამოაქვეყნა. ათეული ასე გამოიყურება:
1. რობინ უილიამსი (ამერიკელი მსახიობი, რომელიც მიმდინარე წლის 11 აგვისტოს გარდაცვლილი იპოვნეს).
2. მსოფლიო ჩემპიონატი ფეხბურთში (ტურნირი, რომელსაც 2014 წელს ბრაზილიამ უმასპინძლა და რომლის გამარჯვებულიც გერმანიის ეროვნული ნაკრები გახდა).
3. ებოლა (ვირუსი, რომელმაც დასავლეთ აფრიკაში იფეთქა და 7000 ადამიანის სიცოცხლე შეიწირა).
4. მალაიზიის ავიახაზები (Boeing 777-200ER-ი, რომელიც კომპანია Malaysia Airlines-ს ეკუთვნოდა და 8 მარტს კუალა-ლუმპურიდან პეკინში მიფრინავდა, რადარებიდან გაქრა. მისი ასავალ-დასავალი დღემდე უცნობია. ბორტზე 227 მგზავრი და ეკიპაჟის 12 წევრი იმყოფებოდა. თვითმფრინავმა სავარაუდოდ კატასტროფა განიცადა და ინდოეთის ოკეანეში ჩავარდა).
5. Ice Bucket Challenge (ფლეშმობი, რომლის დროსაც როგორც უცნობი, ისე ცნობილი ადამიანები თავზე ყინულიან წყალს ივლებდნენ).
6. Flappy Bird (თამაში iOS-სა და Android-ის ოპერაციული სისტემების მქონე მობილური მოწყობილობებისთვის).
7. კონჩიტა ვურსტი (ავსტრიელი ტრანსვისტიტი მომღერალი, რომელმაც „ევროვიზია 2014“-ზე გაიმარჯვა).
8. ISIS (ტერორისტული დაჯგუფება, რომელიც ისლამურ სახელმწიფოებში სამხედრო გადატრიალებებში მონაწილეობდა).
9. Frozen (სტუდია Walt Disney-ს მიერ შექმნილი ანიმაციური ფილმი, რომელმაც კინოგაქირავებაში მილიარდზე მეტი დოლარი მოაგროვა და ორი ოსკარი მოიპოვა).
10. სოჭის ოლიმპიური თამაშები (ზამთრის XXII-ე ოლიმპიადა, რომელიც 7-დან 23 თებერვლის ჩათვლით მიმდინარეობდა).
წყარო:
სიახლეები
კომპანია Lenovo-ს ნოუთბუქების ხაზი ThinkPad-ი უახლოეს მომავალში კიდევ ერთი ახლი მოწყობილობით შეივსება. საუბარია ThinkPad E555-ზე, რომელიც აღჭურვილია Kaveri-ს ხაზის ჰიბრიდული პროცესორით AMD A8-7100 ტაქტური სიხშირით 1.8 გგჰ, რომელშიც გამომთვლელი ბირთვების კვარტეტი შერწყმულია Radeon R5-ის გრაფიკასთან GCN 1.1-ის არქიტექტურაზე. ლეპტოპს 15.6 დუიმიანი ეკრანი აქვს, იწონის 2.35 კგ-ს, გაბარიტები კი ასე გამოიყურება 377x255x27.1 მმ.
რაც შეეხება ThinkPad E555-ის სხვა ტექნიკურ მახასიათებლებს, მოწყობილობას აქვს 8 გბ-იანი მეხსიერება DDR3, 1ტერაბაიტიანი მყარი დისკი, Wi-Fi 802.11n, Bluetooth 4.0, ორი USB 3.0 და ერთი USB 2.0, HDMI/VGA, ქარდრიდერი და ბატარეა 4400 mAh.
ThinkPad E555-ი სავარაუდოდ 500 დოლარი ეღირება და იგი მცირე ბიზნესის წარმომადგენლებზეა გათვლილი.
წყარო:
რეკლამა
სიახლეები
ფოტოებისა და პატარა ზომის ვიდეორგოლების განთავსების პოპულარულმა სერვისმა Instagram-მა კონტენტის რედაქტირების 5 ახალ ფილტრი აამოქმედა. მათი სახელწოდებებია Slumber, Crema, Ludwig, Aden და Perpetua. როგორც კომპანიაში აცხადებენ, ფილტრების ეს ახალი ნაკრები იდეალურია დაბალი ხარისხის გამოსახულებებთან სამუშაოდ.
ახალ ფილტრებთან ერთად Instagram-ი მომხმარებელს სამ ახალ ფუნქციასაც სთავაზობს, ესენია: ვიდეოს შენელებულ რეჟიმში გამოქვეყნების რეჟიმი (slo-mo), კომენტარების გამოქვეყნება რეალური დროის რეჟიმში ნიუს ფიდის განახლების აუცილებლობის გარეშე და კადრის პერსპექტივის კორექტირება.
შეგახსენებთ, რომ ბოლო მონაცემებით სოციალურ ქსელ Instagram-ს უკვე 300 მილიონი მომხმარებელი ჰყავს. ამ მაჩვენებლით მან Twitter-ს გაუსწრო, რომლითაც დღეისათვის 284 მილიონი ადამიანი სარგებლობს.
წყარო:
სიახლეები
პლაზმური პანელების დახურვის შემდეგ კომპანია LG-მ ახალი ტიპის ტელედისფლეების შექმნა გადაწყვიტა, რომელსაც CES 2015-ზე წარადგენს.
ახალი ტელევიზორები კვანტური წერტილების ტექნოლოგიაზეა დაფუძნებული, რაც მათ OLED დისფლეებზე ბევრად უკეთესი და მაქსიმალურად ბუნებივი ფერების მქონე გამოსახულების ჩვენების საშუალებას აძლევს. კვანტური წერტილების ტექნოლოგია ნანოკრისტალებს იყენებს, რომელთა ზომა 2-დან 10 ნანომეტრამდე მერყეობს.
LG-ის წარმომადგენელთა თქმით, ახალი ტექნოლოგიის წყალობით ტელე პანელების ფერთა გამა 30%-ით გაიზარდა.
ამჟამად LG-ის ტელევიზორთა წილი მსოფლიო ბაზარზე 17%-ს შეადგენს. სწორედ 4К ტელევიზორების მეშვეობით აპირებს კორეული კომპანია ბაზარზე საკუთარი პოზიციების გაძლიერებას.
შეგახსენებთ, რომ გამოფენა CES 2015 6-9 იანვარს ლას-ვეგასში გაიმართება.
წყარო:
რეკლამა
ელექტრონული კომერცია
Money Movers-ი, რომელიც საგადასახადო პროვაიდერს წარმოადგენს, ერთ-ერთი პირველი კომპანიაა საქართველოში, რომელიც ისეთ საქმიანობებს ახორციელებს, როგორიცაა: ინტერნეტ-კომერცია, ინტერნეტ-მარკეტინგი, საშუამავლო საქმიანობა ინტერნეტ-კომერციაში, საგადახდო მომსახურება და ერთადერთია ჩვენს ქვეყანაში, რომელიც ისეთ წამყვან ორგანიზაციებთან თანამშრომლობს, როგორებიც არიან: „Webmoney“, Wallet One, Dengi Online, Telemoney, Qiwi, Ukash, XSOLLA, RBK money, Easy Pay, Moneta.ru და ა.შ. ამ სიას ცოტა ხნის წინ Mail.ru-ც დაემატა. 25 სექტემბერს აღნიშნულ კომპანიასა და Money Movers-ს შორის თანამშრომლობის შესახებ ხელშეკრულება გაფორმდა.
წყარო: